T.B Joshua death: Nigerians, odas pay tribute to Synagogue Pastor Temitope Joshua wey die at di age of 57


Become part of our Forum (Welcome) CLICK HERE....

Tributes don begin pour in for Temitope Balogun Joshua, di founder of di Synagogue Church of All Nations (SCOAN) wey die on Saturday June 5.

Femi Fani- Kayode, former Nigeria aviation minister tok for social media say “di news of Brother TB Joshua death make am sad”.

Di church confam tori of im death on Sunday morning just few days before im 58th birthday for June 12.

T.B Joshua na popular Nigerian prophet wey dey organise healing and deliverance program for im church wey dey attract pipo from all ova di world.

See oda pipo tributes for di late pastor here

BI Phakathi write say “great man and wise teacher.”Im add say “Personally I dey heartbroken by your death, I learn a lot from your giving.”

“Another good man gone, may God give your family strength to bear dis shock.” Na wetin Oguguo Kelechi write for social media.

How synagogue church announce T.B Joshua death?

Na on Sunday June 6, di church announce say Pastor T.B Joshua don die.

According to di post, on Saturday 5th June 2021, dem say Prophet TB Joshua bin speak during di Emmanuel TV Partners Meeting:

“Time for everything – time to come here for prayer and time to return home afta di service.

“God don take im servant Prophet TB Joshua home – as e suppose be by divine will.

E spend e last moments on earth in di service of God. Dis na wetin dem born am for, im live for and im die for. “Di church tok.

“As Prophet TB Joshua go always tok, “Di greatest way to use life na to spend am on something wey go outlive am”.

Prophet TB Joshua leave legacy of service and sacrifice to God Kingdom wey go continue to live on for generations yet unborn.”

Di church add say Prophet TB Joshua last words na: “Watch and pray.”

Join Over 100,000+ readers to receive latest Educational News:

  •  Like Our Facebook Page
  •  Join (our) Legitsource WhatsApp Group
  •  Follow Us on Twitter
  •  Receive FREE Daily Updates via Email

  • If you think this post can be helpful to somebody else, please share it now!

    Follow Us

    Meet The Author
    Ls Admin is the founder and editor of Legitsource.Com.Ng. He loves to share education news and some persons net worth - biography from various sources to keep readers informed.
    You can connect with him on Twitter.
    Leave a Comment